حکومتی اتحاد پاکستان ڈیموکریٹک موومنٹ (پی ڈی ایم) اور جمیعت علماء اسلام (ف) کے سربراہ مولانا فضل الرحمان نے بھی صدر مملکت ڈاکٹر عارف علوی کی جانب سے پنجاب اور خیبرپختونخوا اسمبلیوں کے انتخابات کی تاریخ دئے جانے کو آئین کی خلاف ورزی قرار دے دیا۔

مولونا فضل الرحمان نے ٹوئٹر پر جاری پیغام میں لکھا کہ ’آج عارف علوی نے جس طرح خود کو بادشاہ سلامت اور تحریک انصاف کا ورکر سمجھ کر آئین کو پاؤں تلے روندھتے ہوئے اس کی صریحاً خلاف ورزی اور گورنرز اور الیکشن کمیشن کے اختیارات میں مداخلت کی ہے، یہ واضح مس کنڈکٹ ہے۔‘

سربراہ پی ڈی ایم نے لکھا، ’الیکشن کمیشن کو اس کے خلاف سخت ایکشن لینا ہوگا۔‘