فیصل آباد میں بسنت کے دوران فائرنگ کے نتیجے میں 13 سالہ بچہ جاں بحق ہوگیا۔

جمعہ کے روز بسنت کے موقع پر پتنگ بازوں کی طرف سے شد ید ہوائی فا ئر نگ کی گئی جس دوران شہر کے مختلف علاقوں میں شہری زخمی ہوئے تھے جنہیں زخمی حالت میں سول و الائیڈ ہسپتال منتقل کیا گیا تھا۔

گزشتہ روز بسنت کے دوران ہی سم اللہ پور کے رہائشی 13 سالہ عبدالصمد بھی گولی لگ کر زخمی ہوا تھا جسے طبی امداد کے لئے الائیڈ اسپتال منتقل کیا گیا تھا، عبدالصمد زخموں کی تاب نہ لاتے ہوئے آج اسپتال میں دم توڑ گیا۔

پولیس نے عبدالصمد کی لاش قانونی کاروائی کے بعد ورثاء کے حوالے کرتے ہوئے نا معلوم ملزمان کے خلاف قتل کی دفعات کے تحت مقدمہ درج کرتے ہوئے ملزمان کی تلاش شروع کر دی۔