پاکستان تحریک انصاف (پی ٹی آئی) کے چیئرمین عمران خان طبی بنیادوں پر لاہور ہائیکورٹ میں پیش نہیں ہوں گے، ڈاکٹرز نے عمران خان کو سفر کرنے سے روک دیا۔

لاہور ہائیکورٹ کی جانب سے عمران خان کو توہین عدالت کا نوٹس جاری کرنے کا عندیہ دیا جاچکا ہے، جس کی وجہ وکالت نامے اور حلف نامے پر دستخط میں فرق ہونا ہے۔

لاہور ہائیکورٹ میں جمعرات کو جسٹس طارق سلیم شیخ عمران خان کی حفاظتی ضمانت کی درخواست پر سماعت کی، عدالت کی طلبی کے باوجود عمران خان آج بھی پیش نہیں ہوئے۔

عمران خان کے وکیل نے عدالت کو بتایا کہ عمران خان کے معالج ڈاکٹر فیصل عدالت میں پیش ہوکر عمران خان کی صحت سے متعلق آگاہ کریں گے۔