پشاور: عوامی نیشنل پارٹی (اے این پی) نے خیبر پختونخوا میں قومی اسمبلی کی خالی نشستوں پر انتخاب نہ لڑنے پر ٰیوٹرن لے لیا۔

صوبائی صدر اے این پی ایمل ولی خان نے پہلے ضمنی انتخابات میں حصہ نہ لینے کا اعلان کیا اور آج قومی اسمبلی کی خالی نشستوں پر امیدواروں کو ٹکٹ جاری کردیئے۔

سوات کے حلقہ این اے 3 پر مسرت احمد زیب اور بونیر کے قومی اسمبلی کا حلقہ این اے 9 سے پارٹی کے صوبائی جنرل سیکرٹری سردارحسین بابک اے این پی کے امیدوار ہوں گے۔

این اے 2 سوات سے ایوب خان، این اے 5 اپر دیر سے افتخار احمد، این اے 6 لوئر دیر سے حسین شاہ یوسفزئی اور این اے 7 لوئر دیر سے حاجی بہادر خان امیدوار ہوں گے۔

اے این پی کی جانب سے ملاکنڈ کے این اے 8 پر انعام اللہ خان اور این اے 19 صوابی کی نشست پر وارث خان جب کہ این اے 20 مردان سے جمال باچا امیدواران ہوں گے۔

پشاور کے این اے 28 پر ثاقب اللہ خان چمکنی، این اے 30 پر سید عاقل شاہ، این اے 34 کرک سے شاہنواز خان، این اے 40 باجوڑ سے مولانا خانزیب جب کہ این اے 42 مہمند کی نشست پر نثار مومند عوامی نیشنل پارٹی سے انتخابات لڑیں گے۔