سابق وزیرصحت و خزانہ خیبرپختونخوا تیمور سلیم جھگڑا کا نگراں وزیراعلیٰ اعظم خان کو خط لکھ دیا۔

تیمور سلیم جھگڑا کی جانب سے اعظم خان کو خط میں لکھا گیا کہ نگراں حکومت کی جانب سے ایم ٹی آئی قانون کو منسوخ کرنے، بورڈز کو تحلیل کرنے یا مخصوص اسپتالوں میں بورڈ ممبران کو تبدیل کرنے کی خبریں زیرگردش ہیں، کسی آرڈیننس کے ذریعے قانون کو منسوخ کرنے یا بورڈز کو تحلیل کرنے کی کوئی بھی کوشش قانون کی خلاف وزری ہوگی۔

خط میں کہا گیا کہ نگران حکومت کا مینڈیٹ صرف روزمرہ کے امور کی دیکھ بھال اور منصفانہ انتخابات کرانا ہے اور بورڈ کے ممبران کو سیاسی تقرر کا بہانہ بنا کر تبدیل کرنا غلط ہوگا جبکہ بورڈز میں تمام تقرریاں ایم ٹی آئی قانون کے تحت نامزدگی کمیٹی کے ذریعے اجتماعی طور پر کی گئی ہیں۔