وزیراعظم شہبازشریف نے چیئرمین پی ٹی آئی عمران خان کے انٹرویو پر ردعمل دیتے ہوئے کہا ہے کہ قوم عمران نیازی کی قلابازیوں سے مایوس ہے۔

سماجی رابطے کی ویب سائٹ ٹوئٹر پراپنے بیان میں وزیراعظم نے کہا کہ قوم عمران نیازی کی قلابازیوں سے مایوس ہے، ایک چیز جو نہیں بدلتی وہ ان کی بے چینی ہے، یہ اقتدار کے حصول کی بے چینی ہے۔

شہباز شریف نے مزید کہا کہ چاہے ملک عدم استحکام کا شکارہی کیوں نہ ہو جائے، ان کی سیاست کی بنیاد جھوٹ ہے اور یہ جھوٹ ہر روز بے نقاب ہورہا ہے۔