الیکشن کمیشن آف پاکستان نے تحریک انصاف کی ضمنی انتخابات 16 کے بجائے 19 مارچ کو کرانے کی درخواست مسترد کر دی۔

ذرائع الیکشن کمیشن کا کہنا ہے کہ ضمنی انتخابات والے متعلقہ حلقوں میں 16 مارچ کو مقامی چھٹی دی جائے گی اور الیکشن کمیشن متعلقہ صوبوں کو ان حلقوں میں مقامی چھٹی کے لئے خط لکھے گا۔

الیکشن کمیشن 60 روز میں ضمنی انتخابات کرانے کا پابند ہے، 19 مارچ کو الیکشن کرانے سے آئینی خلاف ورزی ہو جائے گی۔