آئی ایم ایف سے معاہدہ نہ ہونے کی خبر سامنے آنے کے بعد پاکستان اسٹاک ایکس چینج کھلتے ہی منفی رجحان دیکھا گیا۔

پاکستان اسٹاک ایکس چینج میں کاروبار کے آغاز پر ہی منفی رجحان جاری ہے۔

سرمایہ کاروں کی عدم دلچسپی کے باعث 100انڈیکس میں 750 پوائنٹس کمی ہوگئی،100انڈیکس 41 ہزار 690 پرآگیا۔

اس سے قبل صبح کاروبارشروع ہوتے ہی 100 انڈیکس میں 575 پوائنٹس گرگئے۔

اس کمی کے بعد 100 انڈیکس41 ہزار888 پوائنٹس پر آگیا ہے۔

واضح رہے کہ آئی ایم ایف نے تمام شرائط پر اتفاق نہ ہونے کے باعث اسٹاف لیول معاہدے کے لیے مزید وقت مانگتے ہوئے حکومت کو معاشی اور اقتصادی پالیسیوں کا پلندہ تھمادیا ہے۔

اسٹاف لیول معاہدہ واشنگٹن سے منظوری کے بعد ہوگا۔ آئی ایم ایف نے اپنے مشن کے دورہ پاکستان سے متعلق اعلامیہ جاری کردیا ہے ۔