پاکستانی کرکٹ ٹیم کے نائب کپتان شاداب خان بارات لے کر اپنی دُلہن گھر لے جانے کے لیے پہنچ گئے۔

دلہا بنے شاداب خان کی ویڈیوسوشل میڈیا پر وائرل ہوگئی جس میں دیکھا جاسکتا ہے کہ شاداب خان کے آنے پر ان کے سسر اور سابق کرکٹر ثقلین مشتاق نے ان کا استقبال کیا۔

بارات کی تیاری کے مرحلے کی ویڈیو بھی سامنے آئی ہے

گزشتہ روز شاداب خان کی مہندی کی تصاویر اور ویڈیو بھی وائرل ہوئی تھیں یہ ویڈیو کرکٹر حسن علی کی اہلیہ نے شیئر کی تھی۔

شاداب خان کے ولیمے کی تقریب 10 فروری کو اسلام آباد میں ہوگی۔

اس تقریب کے مہمانوں کی فہرست میں کرکٹرز اور مشہور شخصیات شامل ہیں۔

خیال رہے کہ شاداب خان کا نکاح گزشتہ ماہ سابق کرکٹر ثقلین مشتاق کی صاحبزادی سے ہوا تھا۔