آئل مارکیٹنگ کمپنیز ایسوسی ایشن آف پاکستان کے چیئرمین طارق وزیرعلی نے کہا ہے کہ ملک میں اس وقت پیٹرولیم مصنوعات کی نہ تو کوئی قلت ہے نہ ہی آنے والی ہے۔

چیئرمین طارق وزیر علی نے کہا ہے کہ ملک بھر میں 33 آئل مارکیٹنگ کمپنیاں کام کر رہی ہیں اور ان کے پاس 20 دن کا اسٹاک موجود ہے، ایسے پیٹرول پمپ بہت کم ہیں جہاں پیٹرول کم ہو، باقی سب پمپس پر پیٹرول وافر مقدار میں موجود ہے۔

انہوں نے بتایا کہ ماہانہ سات لاکھ ٹن پیٹرولیم مصنوعات کی ضرورت ہوتی ہے، جو پیٹرول پمپس پیٹرول نہیں دے رہے ان کے خلاف کاروائی کی جائے گی۔

چیئرمین آئل مارکیٹنگ کمپنیز ایسوسی ایشن نے کہا کہ پیٹرول کی قیمتیں نہیں بڑھ رہیں، پیٹرول کی قیمت بڑھنے کی افواہوں پر مصنوعی قلت کی گئی ہے۔