وزیراعظم شہباز شریف نے اپنی کابینہ میں مزید 5 نئے معاونین خصوصی کا اضافہ کرلیا ہے۔

شہباز شریف کی کابینہ میں شامل تمام مشیران کو وفاقی وزیر کا درجہ حاصل ہے، راؤ اجمل، شائستہ پرویز ملک کو معاون خصوصی مقرر کیا گیا ہے۔

کابینہ میں چوہدری حامد حمید، قیصر احمد شیخ کو بھی معاون خصوصی مقررکیا گیا ہے جبکہ ملک سہیل کو بھی وزیراعظم کے اسپیشل اسسٹنٹ مقرر کیا ہے۔

پی ٹی آئی رہنما تیمور سلیم جھگڑا نے کابینہ میں اضافے پر طنزکرتے ہوئے کہا کہ ارکان کی تعداد اب 83 ہوگئی ہے۔

ٹوئٹ میں انہوں نے لکھا کہ لگتا ہے کہ آئی ایم ایف نے ان کو کابینہ بڑھانے کا مشورہ دیا آئی ایم ایف نے کہا ہوگا چھوٹی سی کابینہ ہے بڑی کردو۔