قومی کرکٹ ٹیم کے فاسٹ بالر شاہین شاہ آفریدی گزشتہ روز شاہد آفریدی کی دوسرے نمبروالی صاحبزادی انشاکے ساتھ نکاح کے بندھن میں بندھ گئے۔نکاح کی تقریب کے بعد عشائیہ رکھا گیا تھا جس میں مہمانوں کی بھرپور تواضع کی گئی۔

کراچی کی ڈیفنس ہاؤسنگ اتھارٹی کی مقامی مسجد میں سرانجام پانے والے اس نکاح کی ویڈیوزوتصاویر سوشل میڈیا پرخاصی وائرل ہیں لیکن یہاں آپ عشائیے کی کچھ جھلکیاں دیکھیے۔

شاہد آفریدی کی بڑی صاحبزادی اقصیٰ کی شادی کی تقریبات پر انتظامات سنبھالنے والی ایونٹ منیجمنٹ کمپنی ’گیدرنگ ڈاٹ پی کے‘ کی خدمات اس بار بھی حاصل کی گئی تھیں جنہوں نے انسٹااسٹوریز میں کھانے کا مینیو شیئرکیا۔

کھانے سے قبل مہمانوں کی تواضع فریش جوس ، حمس وِد پیٹا بریڈ اور ڈائنامٹ شرمپس سے کی گئی۔

زبردست مین کورس میں چکن چرغہ، مٹن سیخ کباب، مٹن چوپس ، فائرچلی فش ، مٹن قورمہ ، چکن بریانی، فرائیڈ رائس، چکن سیچوان، ڈرائی بیف ود چلی ، پالک سبزی جیسی مزیدار ڈشز کے علاوہ سلاد باراورچٹنیاں شامل ہیں۔

کھانے کے بعد باری آتی ہے میٹھے کی جس میں گلاب جامن، جلیبی ، پان مصالحہ کے علاوہ موسم کے پیش نظر چائے اور کشمیری چائے کا اہتمام کیا گیا تھا۔

انشا کی رخصتی ان کی تعلیم مکمل ہونے کے بعد عمل میں آئے گی۔

واضح رہے کہ شاہد خان آفریدی کی بڑی صاحبزادی اقصا کی شادی گزشتہ ماہ نصیر ناصر خان سے انجام پائی تھی۔