آرمی چیف جنرل سید عاصم منیر نے پشاور پولیس لائنز میں دھماکے کے مقام کا دورہ کیا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف نے پولیس لائز دھماکے کے مقام کا دورہ کرکے پولیس افسران اور جوانوں سے ملاقات کی اور ان کے عزم و حوصلے کی تعریف کی۔

آئی ایس پی آر کے مطابق جنرل سید عاصم منیر نے اپنے دورے کے دوران دہشت گردی کے خلاف جنگ میں پولیس کے کردار کو بھی سراہا۔

انٹر سروسز پبلک ریلیشنز کے مطابق اس موقع پر آرمی چیف کا کہنا تھا کہ خیبر پختونخوا پولیس کے جوان بہت بہادر ہیں جنہوں نے فرنٹ لائن پر دہشت گردی کا مقابلہ کیا۔