وفاقی وزیربرائے سرمایہ کاری چوہدری سالک حسین کا کہنا ہے کہ مونس الہٰی محسن نقوی پر غلط الزامات لگا رہے ہیں۔

آج نیوز کے پروگرام ”اسپاٹ لائٹ“ میں گفتگو کرتے ہوئے چوہدری سالک نے کہا کہ چوہدری پرویز الہیٰ محسن نقوی پر پتا نہیں کیوں الزام لگا رہے ہیں۔

ان کا کہنا تھا کہ کسی نے ہمارے خاندان میں دراڑیں نہیں ڈالیں، یہ چوہدری پرویز الہٰی کا رویہ ہے جس کی وجہ سے دوریاں ہوئیں۔

چوہدری سالک حسین نے کہا کہ دوہفتے پہلے پرویز الہیٰ کے عمران خان سے متعلق مختلف بیانات تھے۔

اایک سوال کے جواب میں ان کا کہنا تھا کہ پی ڈی ایم کی طرف جانے کا فیصلہ متفقہ تھا، جس میں چوہدری پرویزالہٰی بھی شامل تھے، اسٹیبلشمنٹ سے کوئی ہدایات نہیں تھیں۔