حکومت سندھ نے بجلی گھروں کے نرخ مقرر کرنے کے اختیارات نیپرا سے واپس لینے کا فیصلہ کرلیا، وفاقی ادارے نیپرا کی جگہ ”سیپرا“ کا ادارہ قائم کیا جائے گا۔

سندھ الیکٹرک اینڈ پاور ریگیولیٹری اتھارٹی (سیپرا) بل کو کابینہ سے منظوری کے بعد سندھ اسمبلی سے منظور کرایا جائے گا۔

صوبائی وزیر توانائی امتیاز شیخ کا کہنا ہے کہ بجلی کے مسائل کے حل کیلئے اپنا ادارہ قائم کریں گے۔

سندھ کابینہ سے جمعہ کو بل کی منظوری لی جائے گی، کابینہ سے منظوری کے بعد بل سندھ اسمبلی میں پیش ہوگا۔

سیپرا کے ذریعے بجلی کے نرخوں کا تعین صوبہ خود کرے گا۔