اسلام آباد کی مقامی عدالت میں پی ٹی آئی کے رہنما فواد چوہدری کی درخواست ضمانت پر سماعت کرتے ہوئے الیکشن کمیشن کی 3 روز کے لئے سماعت ملتوی کرنے کی استدعا مسترد کردی۔

ایڈیشنل سیشن جج فیضان حیدرگیلانی نے فوادچوہدری کی درخوست ضمانت پر سماعت کی۔

فواد چوہدری کے وکلاء بابراعوان، علی بخاری اورفیصل چوہدری عدالت میں پیش ہوئے جبکہ پراسیکیوشن کی جانب سے عدالت میں کوئی پیش نہیں ہوا۔

تاہم لیکشن کمیشن کے وکلاء نے درخواست ضمانت کی کاپی کا مطالبہ کرتے ہوئے عدالت سے پرسوں تک ملتوی کرنے کی استدعا کی جسے عدالت نے مسترد کردیا۔

جج کے استفسار پر الیکشن کمیشن کے وکیل نے بتایاکہ جسمانی ریمانڈ پر دلائل دیے ہیں، ضمانت پر دلائل نہیں دیے ۔

بابراعوان نے اعتراض کرتے ہوئے کہا کہ الیکشن کمیشن اپنی بات کرے، پراسیکیوشن کی طرف سے بات نہ کریں۔

بابراعوان نے استدعا کی کہ درخواست پر آج پراسیکیوشن اور کل الیکشن کمیشن دلائل دے دے۔

عدالت نے وکیل بابراعوان کی آج پراسیکیوشن اور کل الیکشن کمیشن کے دلائل کرنے کی استدعا بھی مسترد کردی۔

جج فیضان حیدرگیلانی نے ریمارکس دیے کہ فواد چوہدری کی درخواست ضمانت پر دلائل سب کے ایک ساتھ سنیں گے۔

بابراعوان نے کہا کہ پراسیکیوٹر سے پوچھ کیں، کہیں ان کے پلیٹ لیٹس کم نہ ہوگئے ہوں۔

بعدازاں عدالت نے درخواست پر سماعت ایک روز کے لئے ملتوی کردی۔