اسلام آباد کی انسداددہشت گردی عدالت نے احتجاج اور دفعہ 144 کی خلاف ورزی کیس میں سابق وزیراعظم عمران خان کی عبوری ضمانت میں توسیع کردی۔

جج راجہ جوادعباس حسن نے احتجاج اور دفعہ 144 کی خلاف ورزی کیس کی سماعت کی۔

عمران خان کے وکیل بابر اعوان عدالت پیش ہوئے اور بتایا کہ طبی بنیادوں پر اور سیکیورٹی مسائل کے باعث عمران خان عدالت پیش نہیں ہوسکے۔

عدالت نے عمران خان کی عبوری ضمانت میں توسیع کرتے ہوئے سماعت10 فروری تک کے لئے ملتوی کردی۔