کراچی کے علاقے کیماڑی میں علی محمد گوٹھ میں ماحولیاتی آلودگی سے اموات کے کیس میں تحقیقیات کے لئے پولیس نے جاں بحق افراد کی قبر کشائی کا فیصلہ کرلیا۔

پولیس حکام کا کہنا ہے کہ عدالت سے قبر کشائی کی اجازت طلب کی جائے گی، لاشوں کے پوسٹ مارٹم سے موت کی وجوہات معلوم کی جائیں گی۔

پولیس حکام کے مطابق گرفتار ملزم کا 2 روزہ ریمانڈ حاصل کیا گیا تھا۔

گرفتار ملزم سے تفتیش کے لئے سوال نامہ تیار کرلیا گیا۔

پولیس حکام کا کہنا ہے کہ دیگر ملزمان کی تلاش کے لئے خصوصی ٹیم تشکیل دے دی گئی ہیں، تفتیشی ٹیم میں ڈی ایس پی، ایس ایچ او اور ایس آئی یو شامل ہیں۔