پی ٹی آئی رہنما فواد چوہدری کی گرفتاری پرماڈل ایان علی نے اپنا ردعمل ذرا ’منفرد انداز‘ میں ظاہرکیا ہے۔

کرنسی اسمگلنگ کیس سے خبروں میں جگہ بنانے والی ایان نے فواد چوہدری اور ان کی اہلیہ حبہ فواد کی تصویرشیئرکرتے ہوئے حبہ کو بالی ووڈ کیریکٹرسے تشبیہہ دے ڈالی۔

ایان نے حبہ فواد کو اپنی بہن قراردیتے ہوئے لکھا، ’احترام کے ساتھ ہماری بہن مسز فواد چوہدری مجھے بالی ووڈ فلم ’دسوی‘ کے کرداربمو چوہدری عرف بملا دیوی کی یاد دلاتی ہیں‘۔

ایان نے نہ صرف حبہ بلکہ فواد چوہدری کو بھی نشانے پررکھتے ہوئے ان کی گرفتاری کی تشریح انگریزی کی ایک کہاوت سے کی جس کے مفہوم کے مطابق ، ’وہ اپنے جرائم میں متاثرین کا کردارادا کرتے ہیں‘۔

ایان علی نے جس فلم کا تذکرہ کیا وہ سال 2022 میں ریلیزکی گئی تھی، سوشل کامیڈی فلم کی ہدایتکاری تشار جلوٹا نے کی اور اس کے مرکزی کرداروں میں ابھیشیک بچن، یامی گوتم اور نمرت کورشامل ہیں۔

فلم میں ابھیشک بچن ایک ان پڑھ سیاست دان کا کردارجن کی کرسی بملا دیوی (نمرت کور) چھین لیتی ہیں جبکہ یامی گوتم آئی پی ایس افسرکے کردار میں دکھائی دیتی ہیں۔

فلم کو اس کی کہانی، مزاح، اداکاری اور سماجی پیغام کیلئے تعریف کے ساتھ ملا جلا ردعمل رہالیکن اسکرین پلے میں عدم مطابقت کی وجہ سے تنقید بھی کی گئی۔

ایان علی کی طرح کئی سوشل میڈیا صارفین بھی حبہ کی عدالت میں خاوند کے ساتھ کھنچوائی گئی تصاویرپران کے خوشگوار موڈ کو دیکھتے ہوئے اسی قسم کے تبصرے کرتے نظرآئے۔

واضح رہے کہ ایان علی کو 14 مارچ 2015 کو اسلام آبادکے بینظیرانٹنرنیشنل ائرپورٹ سے دبئی جاتے ہوئے گرفتار کیا گیا تھا، ایآن سے 5 لاکھ امریکی ڈالرز برآمد کیےگئے تھے۔

اس کیس نے کئی ماہ تک میڈیا پربھرپور توجہ سمیٹی، ایان علی کو کم از کم 4 ماہ تک جیل میں رہنا پڑا، فرد جرم عائد کرنے کے بعد ایان علی پرفردجرم عائد کی گئی اور ماڈل کا نام ایگزٹ کنٹرول لسٹ میں شامل کیا گیا۔

فروری 2017 تک عدالتوں کا سامنا کرنے والی ایان علی سپریم کورٹ سے اجازت ملنے کے بعد ضمانت پر17 فروری 2017 کو دبئی چلی گئی تھیں۔تاہم مارچ 2019 میں سپریم کورٹ نے کیس کی سماعت کے دوران ریمارکس دیے تھے کہ بادی النظرمیں ملزمہ کرنسی اسمگلنگ میں ملوث پائی گئیں۔

اس دوران ایان سوشل میڈیا پربہت زیادہ متحرک نہیں رہیں تاہم 2021 کے اوائل سے وہ اکثروبیشتر سوشل میڈیا پوسٹس کے باعث خبروں کی زینت بنی رہتی ہیں۔