صدرآل پاکستان انجمن تاجران اجمل بلوچ نے پٹرولیم مصنوعات کی قیمتوں میں اضافہ یکسر مسترد کرتے ہوئے کہا کہ اس وقت ڈار اور ڈالر دونوں کو قابوکرنا کسی کے بس میں نہیں رہا۔

اجمل بلوچ کی جانب ے جاری بیان میں کہا گیا کہ ”حکمرانوں! مفت پیٹرول اور پروٹوکول ختم کرو ورنہ عوام ختم ہوجائے گی۔“

آل پاکستان انجمن تاجران کے صدر کا کہنا تھا کہ کہ پٹرولیم مصنوعات کی قیمتوں میں ظالمانہ اضافے کو مسترد کرتے ہیں۔ پیٹرول اورڈیزل بے لگام ہونے سے تمام اشیاء کی قیمتیں آسمان کو چھونے لگیں گی۔

انہوں نے کہا کہ ڈیزل اور پٹرول کی قیمتوں میں اضافے سے ٹرانسپورٹ پر سفربند ہوجائے گا۔

ان کا کہنا تھا کہ ان حالات میں اب کاروبار کرنا ناممکن نظر آرہا ہے۔ عوام اب باہر نکل آئیں کیونکہ حکومت نے عوام کو گھر جوگا چھوڑا نہیں۔