پاکستان تحریکِ انصاف کے رہنما اسد عمر کا حکومت کی جانب سے پیٹرولیم مصنوعات کی قیمتوں میں بڑے اضافے کے بعد ردِعمل سامنے آ گیا۔

سماجی رابطے کی ویب سائٹ ٹوئٹر پر اپنے ٹویٹ میں سابق وفاقی وزیر اسد عمر نے لکھا کہ پہلے ہی تاریخ کی بدترین مہنگائی سے عوام پریشان ہیں اور پیٹرول اور ڈیزل 35 روپے مزید مہنگا ہو گیا۔

اسد عمر نے اپنے ٹوئٹ میں مزید لکھا کہ اللّٰہ اس قوم پر رحم کرے اور اس عذاب سے نجات دلائے۔

یاد رہے کہ وزیر خزانہ اسحاق ڈار کی جانب سے آج پیٹرول اور ڈیزل کی قیمتوں میں فی لیٹر 35،35 روپے اضافے کا اعلان کیا گیا تھا۔