پاکستان تحریک انصاف (پی ٹی آئی) کے چئیرمین عمران خان کا کہنا ہے کہ فواد چوہدری کو ہتھکڑیاں لگا کر، سر اور چہرے کو دہشت گرد کی طرح ڈھانپ کر عدالت میں لے جانا ظاہر کرتا ہے کہ امپورٹڈ حکومت اور ریاست کس نچلی اور انتقامی سطح پر پہنچ چکی ہے۔

توئٹر پر جاری اپنے پیغام میں عمرانا خان نے کہا کہ فواد چوہدری، اعظم سواتی اور شہباز گل کے ساتھ جو سلوک کیا گیا، اس نے لوگوں کے ذہنوں میں کوئی شک نہیں چھوڑا کہ اب ہم بنانا ری پبلک میں ہیں۔

انہوں نے مزید لکھا کہ ملک میں اب جنگل کا قانون رائج ہے، جہاں طاقت ور صحیح ہے، ملک کا آئین و قانون آج کے فرعونوں نے پوری طرح محکوم کر دیا ہے۔