پاکستان کرکٹ ٹیم کے وکٹ کیپربیٹسمین محمد رضوان کے گھر تیسری بار رحمت آئی ہے۔

رضوان کے مداحوں کو اس بات کی اطلاع پاکستان سُپرلیگ 8 کیلئے ان کی فرنچائز ملتان سلطانز نے دی۔

آفیشل ٹوئٹرپیج پر ملتان سلطانز نے دلچسپ انداز میں رضوان کو مبارکباد دی۔

رضوان کی شرٹ کا نمبر16 ہے، شیئرکی جانے والی تصویرمیں اسی نمبرکی شرٹ پر لکھا ہے ’بےبی کپتان‘ ۔ ملتان سلطانزنے کیپشن میں لکھا ، ’فیملی میں نئے اضافے پر ہمارے کپتان کو مبارک ہو‘۔

محمد رضوان کی اس سے قبل دو بیٹیاں ہیں۔

ملتان سلطانز کی ٹویٹ پر تبصروں میں رضوان کے مداح نیک خواہشات کااظہار کرتے ہوئے انہیں مبارکباد دے رہے ہیں۔