لاہور: آئینی ماہرین کا کہنا ہے کہ آئین کے مطابق انتخابات 90 دن کے اندر کروانا ضروری ہے۔

ماہرین نے بتایا کہ الیکشن اسمبلی تحلیل ہونے کے 90 روز بعد 13 اپریل کو ہوں گے، 13 اپریل کو 22 واں روزہ ہوسکتا ہے، البتہ گورنر چاہیں تو رمضان سے قبل کی بھی تاریخ دے سکتے ہیں۔

انتخابات کے لئے گورنر پنجاب تاریخ کا اعلان کریں گے، الیکشن کمیشن گورنر پنجاب سے انتخابات کی تاریخ کے اعلان بارے میں کہہ چکا ہے جب کہ گورنر کے اعلان کے بعد انتخابات کو یقینی بنانا الیکشن کمیشن کا کام ہے۔

دوسری جانب آج نیوز نے گورنر پنجاب سے الیکشن کی تاریخ پر سوال کیا جس پر بلیغ الرحمان کا کہنا تھا کہ آئین اور قانون کے مطابق معاملہ دیکھا جائے گا۔