مالی گوشوارے جمع کرانے پر الیکشن کمیشن نے مزید 36 اراکین پارلیمنٹ کی رکنیت بحال کردی۔

سینیٹ کے 8 جبکہ قومی اسمبلی کے مزید 25 اورخیبرپختونخوا اسمبلی کے 3ارکان کی رکنیت بحال کی گئی ہے۔

الیکشن کمیشن نے سالانہ مالی گوشواروں کی تفصیلات جمع کرانے پر اراکین کی رکنیت بحال کی ہے۔

رکنیت بحال ہونے والے اراکین میں سینیٹر تاج حیدر، سینیٹر شوکت ترین، سینیٹر عبدالغفور حیدری، دوست محمد،طارق بشیر چیمہ، محسن نواز رانجھا اور احسن اقبال سمیت دیگر اراکین شامل ہیں۔

ان اراکین کی گزشتہ روزسالانہ گوشوارے جمع نہ کرانے پررکنیت معطل کی گئی تھی۔

یاد رہے کہ گزشتہ روز بھی الیکشن کمیشن نے 25اراکین پارلیمنٹ کی رکنیت بحال کردی تھی، جن میں قومی اسمبلی کے 21 اور سینیٹ کے 4 ارکان شامل تھے۔