دنیا کی معمر ترین خاتون فرانسیسی راہبہ سسٹر آندرے 118 سال کی عمر میں انتقال کرگئیں۔

11 فروری 1904 کو فرانس میں پیدا ہونے والی راہبہ لوسیل رینڈن کے نام مشہور تھیں، جنہیں 1944 میں کیتھولک چیریٹی آرڈر میں شامل ہونے کے بعد سسٹر آندرے کے نام سے جانا جاتا تھا۔

جیرونٹولوجی ریسرچ گروپ کی عالمی رینکنگ لسٹ کے مطابق وہ دنیا کی سب سے عمر رسیدہ خاتون تھیں۔

فرانسیسی راہبہ سسٹر آندرے نے دونوں جنگ عظیم دیکھیں ساتھ ہی کورونا سے بھی مقابلہ کیا اور آخر کار وہ دنیا سے رخصت ہوگئیں۔