ممنوعہ فنڈنگ کیس میں فارن ایکسچینج ایکٹ کے تحت درج مقدمے میں بینکنگ کورٹ نے تحریک انصاف کے چئیرمین عمران خان کو عدالت پیشی کیلیے آخری وارننگ دے دی ہے۔

بینکنگ کورٹ کی جج رخشندہ شاہین نے ممنوعہ فنڈنگ کیس کی گزشتہ سماعت کا تحریری حکمنامہ جاری کردیا ہے، جس میں کہا گیا ہے کہ عمران خان کو ایک آخری وارننگ اور موقع دیا جاتا ہے کہ وہ آئندہ سماعت پر عدالت میں پیش ہوں۔

اس کے علاوہ جلد از جلد ایف آئی اے کے سامنے شامل تفتیش بھی ہوں۔ عدالت نے عمران خان کی ضمانت کی درخواست پر31 جنوری کو دلائل بھی طلب کر لئے ہیں۔