مسلم لیگ کی رکن پنجاب اسمبلی حنا پرویزبٹ کراچی اور حیدرآباد کے بلدیاتی انتخابات میں پاکستان تحریک انصاف کے پوسٹرز پراستعمال کی جانے والی تصویرکے باعث خاصی حیرت کا شکار ہیں۔

لیگی رہنما نے بلدیاتی انتخابات کی تشہیری مہم میں استعمال کیا جانے والا پی ٹی آئی کا پوسٹر شیئرکیا جس پر عمران خان کی زخمی حالت میں تصویرشیئرکی گئی ہے۔

تصویر آزادی مارچ کے دوران وزیرآباد میں عمران خان کے کنٹینرپرفائرنگ کے واقعہ میں زخمی ہونے کے بعد کی ہے ، جب انہوں نے شوکت خانم اسپتال سے بذریعہ ویڈیو لنک عوام سے خطاب کیا تھا۔

حنا بٹ نے اس پوسٹر پراظیہار حیرت کرتے ہوئے لکھا کہ ، ’حیران ہوں یہ لوگ اب اس پر ووٹ لیں گے۔‘

واضح رہے کہ کراچی اور حیدرآباد میں بلدیاتی انتخابات کل 15 جنوری کو ہو رہے ہیں۔