سندھ پولیس نے بلدیاتی انتخابات میں بدامنی کے شدید خطرات کا اظہار کردیا۔

پولیس اور سکیورٹی اداروں نے سیکرٹری الیکشن کمیشن کو کراچی میں بلدیاتی انتخابات کی سیکیورٹی سے متعلق بریفنگ دیتے ہوئے کہا کہ بلدیاتی انتخابات میں بدامنی کے شدید خطرات ہیں۔

سکیورٹی اداروں کے مطابق سب سے ذیادہ خطرات پیپلز پارٹی کے امیدواروں کو ہیں، کالعدم تنظیم نے ن لیگ اور پیپلز پارٹی کو دھمکی بھی دی تھی، پی پی کے 241 امیدوار میدان میں ہیں۔

سیکرٹری الیکشن کمیشن کو بریفنگ میں سکیورٹی اداروں نے بتایا کہ الیکشن کے دوران خودکش حملہ بھی ہو سکتا ہے، کراچی، حیدرآباد میں پولیس کے 68 ہزار اہلکار ڈیوٹی دیں گے، لہٰذا شہر میں امن و امان کی صورتحال پر نظر رکھنا مشکل ہوگا۔