کراچی کے علاقے ملیرہالٹ میں پولیس ٹرک کی ٹکر سے موٹرسائیکل پرسوار خاتون جاں بحق ہوگئیں۔

خاتون شوہرکے ہمراہ موٹرسائیکل پرجارہی تھیں کہ پولیس کے ٹرک کی ٹکر سے گرکرموقع پر ہی جاں بحق ہوگئیں۔

خاتون کے شوہر کا کہنا ہے کہ پولیس ٹرک غلط سمت سےآرہا تھا۔

حادثے کے بعد پولیس ٹرک کا ڈرائیور موقع سے فرارہوگیا۔

متاثرہ شخص نے میڈیا سے بات کرتے ہوئے کہا کہ ہم غریب لوگ ہیں، پولیس کے خلاف کارروائی نہیں کرسکتے۔