پشاورکی ریپڈ بس ٹرانزٹ (بی آر ٹی) بِسوں میں اضافے کا فیصلہ مسافروں کی بڑھتی ہوئی تعداد کے پیش نظر کیا گیا ہے۔

ترجمان ٹرانس پشاور صدف کامل کا کہنا ہے کہ کل سے 25 نئی بسیں چلائی جائیں گی کیونکہ روزانہ مسافروں کی تعداد 2 لاکھ 80 ہزار سے تجاوز کرگئی۔

ترجمان نے کہا کہ مسافروں کی زیادہ تعداد کے پیش نظر بسیں بڑھانے کا فیصلہ کیا جبکہ نئے روٹس بھی جلد فعال کریں گے کیونکہ بی آر ٹی کی 62 نئی بسیں پاکستان پہنچ چکی ہیں۔

ترجمان کا کہنا ہے کہ نئے روٹس کا اجرا اور بسوں کی تعداد میں اضافہ مسافروں کی تعداد کے تناسب میں بہتری لاکر رش میں کمی کا باعث بنے گا۔