عوامی مسلم لیگ کے سربراہ شیخ رشید کا کہنا ہے کہ شریف برادران جنیوا میں اپنے سیاسی مستقبل کا فیصلہ کریں گے۔

سماجی رابطے کی ویب سائٹ ٹوئٹر پر اپنے ٹویٹ میں شیخ رشید نے کہا کہ جنیوا میں سیلاب زدگان کی امداد کی بجائے شریف برادران اپنے سیاسی مستقبل کا فیصلہ کریں گے، 9 جنوری سے کاؤنٹ ڈاؤن شروع اور اپریل میں ختم ہوجائے گا۔

سابق وفاقی وزیرداخلہ نے مزید کہا کہ جنہوں نے فالودے اور پاپڑ والوں کے نام سے لوٹا اب وہ سندھ موٹروے پر اپاہجوں کے شناختی کارڈ پر لوٹ رہے ہیں، وزیرخارجہ اور وزیرداخلہ کے بیانات جلتی پر تیل ڈال رہے ہیں۔

ایک اور ٹویٹ میں شیخ رشید کا کہنا تھا کہ سپریم کورٹ میں ارشد شریف شہید کا کیس جان پکڑ گیا ہے، سپریم کورٹ نیب ترمیمی آرڈینس اور اورسیز ووٹ پر بھی عنقریب فیصلہ دے گی۔

انہوں نے کہا کہ عمران خان صوبائی اسمبلیاں تحلیل کرے گا ورنہ اپنے ممبر اسمبلیوں سے نکال لے گا، حکمران اپنے فارن اکاؤنٹ قومی سلامتی کی خاطر پاکستان واپس لائیں، آج 3 بجےلال حویلی میں خطاب کروں گا۔