اسپین نے چینی مسافروں کے لئے کورونا ٹیسٹ لازمی قرار دے دیا، چین سے آنے والے مسافروں کے ویکسین سرٹیفکیٹ یا پی سی آر ٹیسٹ دکھانا لازمی قرار دے دیا گیا ہے۔

اسپین نے یہ پابندی صرف چین سے آنے والوں کے لئے عائد کی ہے،اسپین داخلے پر مسافروں کا درجہ حرارت بھی چیک کیاجائے گا۔

پروٹوکول کے مطابق، تمام مسافروں کا سب سے پہلے جسمانی درجہ حرارت کا اندراج کیا جائے گا ، اس کے بعد کورونا ویکسین سے متعلق کاغذات کی جانچ پڑتال اور آخر میں مسافر کی ظاہری حالت کا بغور مشاہدہ کیا جائے گا ۔

جسمانی درجہ حرارت کے حوالے سے اسپین کی حکومت نے 37.5 ڈگری کی حد مقرر کی ہے، اس کنٹرول سے ہوائی جہاز کے عملے اور 12 سال سے کم عمر افراد کو مستثنیٰ قرار دیا گیا ہے ،یہ پابندی3 جنوری سے 15 فروری 2023 تک رہے گی۔