عوامی مسلم لیگ کے سربراہ شیخ رشید کا کہنا ہے کہ استعفے اقراری یا انکاری نہیں، اب ملک کی بقاء کا مسئلہ ہے، زرمبادلہ کے ذخائر تشویش ناک حد تک کم ہوگئے۔

اپنے ٹوئٹر بیان میں شیخ رشید نے کہا کہ دیکھنا ہوگا سعودی عرب اور چین سے تین ارب ملتے ہیں یا نہیں۔ ائی ایم ایف کا معاملہ بھی لٹکا ہوا ہے۔

ان کا کہنا تھا کہ ٹیکنوکریٹ حکومت کی آئین میں گنجائش نہیں، نگران حکومت انتخابات کیلئے آسکتی ہے نظریہ ضرورت دفن ہوچکا ہے۔

انہوں نے مزید کہا کہ تیرا جماعتوں کا گلدستہ مرجھایا گیا یہ ہیلی کاپٹر کی لینڈنگ میں پھنسے ہوئے ہیں، ریموٹ کنٹرول حکومت کے سیل ختم ہوگئے ہیں، سارا ملک تھریٹ الرٹ میں آچکا ہے۔