بنگلہ دیش کے دارالحکومت ڈھاکہ میں شہریوں کو طویل عرصے کے پہلی میٹرو لائن ٹرین مل گئی جس کا افتتاح کردیا گیا ہے۔

دنیا کے گنجان آباد شہرڈھاکہ میں بے تحاشہ گاڑیوں کی بھرمار ہے، جو نہ صرف شہریوں کے لئے آمدورفت میں مشکلات کا سبب بنتی ہے بلکہ تکلیف کا باعث بھی ہے۔

بنگلہ دیشی وزیراعظم شیخ حسینہ کی جانب سے ہی پہلی میٹرو ٹرین کو ہری جھنڈی دکھا کر افتتاح کیا اور وہ ٹرین میں سفرکرنے والی پہلی مسافربن گئیں۔

وزیراعظم شیخ حسینہ نے نئی ٹرین سروس کو اپنا ”فخر“ قرار دیتے ہوئے کہا کہ ٹرین کے ہرحصے میں خواتین کے لیے بھی جگہ مختص ہوگی۔ ٹرین کی پہلی آپریٹر ایک خاتون ڈرائیورمریم افیزہ تھیں، جنہوں نے ٹرین کو چلانے سے متعلق کہا کہ ان کا یہ خواب پوار ہوگیا۔

بنگلہ دیش میں تعمیر ہونے والی پہلی میٹرو لائن ٹرین کو تقریباً 6 برس کا عرصہ لگا جس میں جاپان کی جانب سے تعاون کیا گیا، ٹرین سروس اترا کے مقام سے آگرگاؤں تک تقریباً 12 کلومیٹرکے فاصلے پر بغیر کسی اسٹیشن پر رکے چلے گی جس کو مزید وسیع بھی کیا جائے گا۔

اس کےعلاوہ نئی میٹرو لائن سے تقریباً 60 ہزار افراد ایک گھنٹے میں سفر کرسکیں گے اور ،منصوبہ بنگلہ دیش کی ترقی کی ایک مثال میں سے ایک ہے۔

خیال رہے کہ ڈھاکہ دنیا کے سب سے زیادہ گنجان آباد شہروں میں چوتھے نمبرپر ہے۔