تحریک انصاف سندھ کے صدر علی زیدی کا کہنا ہے کہ بینظیر بھٹو زندہ ہوتیں تو دیکھتیں کہ پیپلزپارٹی کی قیادت نے قاتلوں سے پارٹنرشپ کرلی ہے۔

کراچی میں پریس کانفرنس کرتے ہوئے علی زیدی نے کہا کہ کاش بی بی زندہ ہوتی اور دیکھتی کہ آج اس پی پی نے کس طرح ملک کا بیڑا غرق کیا ہے، روٹی کپڑا اور مکان کے نام پر لوگوں سے سب چھین لیا ہے۔

ان کا کہنا تھا کہ کاش بی بی زندہ ہوتی تو دیکتھیں کہ سوا لاکھ بچے اسکول نہیں جاسکتے، 75 فیصد اسکول بھینسوں کے باڑے میں تبدیل ہوچکے ہیں۔

علی زیدی کا کہنا تھا کاش بی بی زندہ ہوتی تو باپ اور بیٹے کو اسٹیبلشمنٹ کی گود میں پلتا ہوا دیکھتیں اور پولیس کس طرح آصف علی زرداری کی رکھوالی کررہی ہے۔