وفاقی وزیر برائے موسمیاتی تبدیلی شیری رحمان کا کہنا ہے کہ شہید محترمہ بینظیر بھٹو کا قتل انسانیت کا قتل تھا، آج کے دن اس ملک سے اس کا مستقبل چھینا گیا۔

اپنے ٹوئٹر بیان میں شیری رحمان نے کہا کہ قاتلوں نے عوام سے ان کی امید چھین لی، شہید بی بی تمام صوبوں کی زنجیر تھیں۔

ان کا کہنا تھا کہ قاتلوں نے ان کو قتل کرکے ملک کو توڑنے کی کوشش کی، آصف زرداری نے پاکستان کھپے کا نعرہ لگا کر سازش کو ناکام بنایا۔

انہوں نے مزید کہا کہ پندرہ سال بعد بھی اپنی قائد کے قتل کیس میں انصاف کے منتظر ہیں۔