فریج میں رکھنے یا نہ رکھنے کے حوالے سے تمام مصنوعات میں کیچپ کا موضوع سب سے زیادہ متنازع ہے، حالانکہ لیبل پر صاف طور پر درج ہوتا ہے کہ اسے فریج میں رکھنا چاہئے لیکن اس کے باجود اس کو محفوظ رکھنے کی صحیح جگہ کے بارے میں رائے منقسم ہے۔

کچھ ماہرین اس بات کے قائل ہیں کہ کیچپ کو فریج سے باہر رکھنا ضروری ہے، بہت سے ریستورانوں میں آپ کیچپ کی بوتلیں بغیر فریج کے پورا دن باہر رکھی دیکھتے ہیں۔

اس بارے میں عالمی شہرت یافتی کیچپ بنانے والی کمپنی ”ہائینز کیچپ“ کے برانڈ مینیجر نکول کلوکی کا کہنا ہے کہ پروڈکٹ کو ریفریجریشن کی ضرورت نہیں ہے، جب تک کہ اسے کھولا نہ جائے۔

نکول کا کہنا ہے کہ ”کیچپ کی قدرتی تیزابیت کی وجہ سے ہائینز کیچپ بنا فریج کے خراب نہیں ہوتا۔“

”تاہم، کھولنے کے بعد ہم تجویز کرتے ہیں کہ اسے فریج میں رکھیں تاکہ پروڈکٹ کے بہترین معیار کو برقرار رکھا جا سکے۔“

اگر آپ سوچ رہے ہیں کہ ریستوراں دن رات اپنی میزوں پر کیچپ کی کھلی بوتلیں کیوں رکھتے ہیں، ریڈرز ڈائجسٹ میگزین کا دعویٰ ہے کہ یہ دراصل ایک دھوکہ ہے۔

ریستوراں والے بوتل کے اندر موجود کیچپ کو پھینک دیتے ہیں، چاہے وہ گھریلو کیچپ ہو یا مشہور برانڈز۔

ریڈرز ڈائجسٹ کے مطابق کنیکٹی کٹ میں ایلم ریسٹورنٹ کے شیف لیوک وینر بتاتے ہیں کہ ”ہم اندازہ لگاتے ہیں اس دن کیچپ کے کتنے آرڈر پیش کیے جائیں گے۔“

”ہم ہمیشہ بڑے کنٹینر کو واپس فریج میں رکھتے ہیں۔ جبکہ تمام غیر استعمال شدہ کیچپ کی بوتلیں شفٹ کے اختتام پر پھینک دی جاتی ہیں۔“

نکول اور لیوک اس بات کو مانتے ہیں کہ کیچپ کو کھلے برتن میں رکھنا چاہئے۔