اسپیکر قومی اسمبلی راجا پرویز اشرف نے پاکستان تحریک انصاف کو ایوان میں آکر کردار ادا کرنے کی دعوت دیدی۔

اسلام آباد میں میڈیا سے گفتگو کرتے ہوئے اسپیکر قومی اسمبلی راجا پرویز اشرف نے کہا کہ استعفوں کی تصدیق کیلئے پی ٹی آئی ارکان کو خطوط لکھے، قواعد کہتے ہیں کہ آپ نے اپنے ہاتھ سے استعفیٰ لکھنا ہے۔

انہوں نے کہا کہ استعفوں کی تصدیق کیلئے اسپیکر کے سامنے پیش ہونا ہوتا ہے، شاہ محمود قریشی نے کہا ہم اکھٹے آنا چاہتے ہیں-اکھٹے ہوکر آنا اسپیکر کے اطمینان کیلئے کافی نہیں ہے۔

ان کا کہنا تھا کہ استعفوں کی تصدیق کیلئے پھر خط لکھنے کا فیصلہ کیا ہے، وقت دوں گا اور ہر رکن کو سننا بھی چاہوں گا، ارکان مجھے تسلی دیں کہ ان پر کوئی دباؤ نہیں، کیونکہ کئی ارکان آئے تھے کہ استعفے منظور نہ کریں۔