شہرِ قائد کے مختلف مقامات سے ایک ہی دن میں تین لاشیں بر آمد ہوئی ہیں۔

ذرائع کے مطابق لانڈھی میں فائرنگ کا واقعہ پیش آیا جس میں صادق نامی شخص جاں بحق ہوا، شبہ ہے کہ صادق کو دوسری شادی کرنے پر ذاتی دشمنی میں فائرنگ کا نشانہ بنایا گیا۔

ریسکیو ذرائع کے مطابق کراچی سی ویو کے اطراف سے ایک تشدد زدہ لاش بر آمد جب کہ دوسری جانب سُپر ہائی وے عباس کٹ کے قریب سے بھی ایک شخص کی لاش ملی ہے۔

ریسکیو ذرائع کا کہنا ہے کہ تینوں لاشوں کو اسپتال منتقل کردیا گیا ہے، جاں بحق افراد کی میڈیکل رپورٹ جاری کرنے کے بعد شناخت کی جائے گی۔