اہم شخصیات کے کیسز کی سماعت کرنے والی احتساب عدالت اسلام آباد کے جج اعظم خان کا تبادلہ کردیا گیا۔

ڈسٹرکٹ اینڈ سیشن جج ناصر جاوید رانا کو احتساب عدالت اسلام آباد کا نیا جج تعینات کردیا گیا ہے۔

اسلام آباد ہائیکورٹ کی سفارش پر وزارت قانون نے تعیناتی کی منظوری دے دی اور ناصر جاوید رانا کے بطور جج احتساب عدالت کا نوٹیفکیشن بھی جاری کردیا ہے۔

جاری کردہ نوٹیفکیشن کے مطابق ناصر جاوید رانا کی تعیناتی 3 سال کے لئے کی گئی ہے۔

احتساب عدالت میں سابق صدر آصف علی زرداری ، فریال تالپور، شاہد خاقان عباسی، مفتاح اسماعیل اور دیگر کے کیسز زیر سماعت ہیں۔

اس سے قبل اعظم خان احتساب عدالت میں جج تعینات تھے، مدت مکمل ہونے پر انہیں اسلام آباد ہائیکورٹ بھیجا گیا تھا۔

بعد ازاں ہائیکورٹ کی سفارش پر وزارت قانون نے جج اعظم خان کو اسپیشل جج سینٹرل تعینات کیا۔