پاکستانی معروف اداکار ہمایوں سعید اور اداکارہ ماہرہ خان اپنے نئے پراجیکٹ “ آج رنگ ہے“میں ایک بار پھرایک ساتھ جلوہ گر ہوں گے۔

اداکارہ ماہرہ خان اور ہمایوں سعید بن روئے کے بعد ’آج رنگ ہے‘ کے ایک اور دلچسپ پروجیکٹ کے لیے ایک بار پھر ٹیم بنانے کے لیے تیار ہیں۔

ندیم بیگ کی ہدایت کاری میں بننے والی اس فلم کو نیشنل ایوارڈ یافتہ مصنف زنجبیل عاصم نے تحریر کیا ہے۔

دونوں اداکاروں کو آخری بار فرحت اشتیاق کی تحریر کردہ فلم بن روئے میں جلوہ گر ہوئے تھے جسے بعدازاں ہم ٹی وی پر ڈرامے کی شکل میں بھی پیش کیا گیا تھا۔

اس فلم کو ناظرین کی جانب سے زبردست پذیرائی ملی تھی جبکہ ماہرہ اور ہمایوں کی آن اسکرین پر کیمسٹری کو بھی خاصا پسند کیا گیا تھا۔