کراچی والوں کے لئے بجلی کی قیمت میں فی یونٹ 7 روپے 43 پیسے کمی کا امکان ہے۔

کے الیکٹرک نے نیشنل الیکٹرک پاور ریگولیٹری اتھارٹی (نیپرا) میں ماہانہ فیول پرائس ایڈجسٹمنٹ کی مد میں کمی کی درخواست دائر کی ہے، جس میں ماہ نومبر کیلئے بجلی سستی کرنے کا کہا گیا ہے۔

نیپرا اتھارٹی درخواست پر27 دسمبرکوسماعت کے بعد حتمی فیصلہ کرے گی۔

دوسری جانب سرکاری ڈسکوزکے صارفین کے لئے بجلی مہنگی ہونے کا امکان ہے، ایک ماہ کیلئے قیمت میں20 پیسے فی یونٹ اضافے کی درخواست نیپرا میں دائر کی گئی ہے۔

سینٹرل پاور پرچیزنگ ایجنسی (سی پی پی اے) کی جانب سے درخواست نومبرکے ایف سی اے کی مد میں دائرکی گئی ہے۔

نیپرا اتھارٹی سی پی پی اے کی درخواست پر27 دسمبرکو سماعت کرے گی۔