نوبل انعام یافتہ ملالہ یوسف زئی نے لاہور کے تاریخی مقامات کی سیر کی اور شیش محل میں اپنے شوہر اور دیگر فیملی ممبران کے ساتھ تصاویر بنوائیں۔

ملالہ یوسفزئی نے لاہور میں تاریخی مقامات میں کی جانے والے مینا کاری اور آرٹ ورک کے بارے میں معلومات لیں۔

ملالہ نے شیش محل میں اپنی اور اپنے شوہر کے ساتھ تصاویر بنوائیں، والڈ سٹی کے ڈی جی کامران لاشاری بھی ملالہ اور ان کی فیملی کے ہمراہ تھے۔

انہوں نے ملالہ کو شاہی قلعہ کی تاریخ پر مشتمل کتاب اور مغلیہ آرٹ کی پینٹنگ تحفہ میں دی۔

ملالہ یوسف زئی نے اپنے شوہر اسیر ملک کے ہمراہ لاہور کے شاہی قلعے بادشاہی مسجد کا بھی دورہ کیا اور ان مقامات پر تصاویر بھی لیں۔

ملالہ 13 دسمبر کو لاہور آئی تھی وہ کل لندن روانہ ہوں گی، ملالہ نے اپنے دورے میں حکومتی شخصیات سمیت پاکستان وومن کرکٹ ٹیم سے بھی ملاقات کی۔