وزیراعظم شہبازشریف کی زیرصدارت وفاقی کابینہ کا اجلاس آج ہوگا ، کابینہ ملکی سیاسی و معاشی صورتحال کا جائزہ لے گی۔

وزیراعظم کی صدارت میں ہونے والے کابینہ کے اجلاس میں 3نکاتی ایجنڈے پر غور ہو گا ۔

ذرائع کے مطابق وفاقی کابینہ ریکوڈک منصوبہ کی تعمیر سے متعلق معاہدے کی منظوری دے گی جبکہ پیٹرولیم ڈویژن ریکوڈک منصوبے پر کابینہ کو بریفنگ دے گی۔

وفاقی کابینہ ریکوڈک منصوبے پرریگولیٹری منظوریاں بھی دے گی۔

وفاقی کابینہ اقتصادی رابطہ کمیٹی کے 11 دسمبرکے فیصلوں کی توثیق کرے گی جبکہ ای سی سی میں ریکوڈک منصوبے سے متعلق وفاقی حکومت اور بلوچستان حکومت کے فنڈنگ پلان کی منظوری دی جائے گی۔