اسلام آباد میں سو سے زائد غیرقانونی ہاؤسنگ اسکیموں کا انکشاف ہوا ہے، قانونی اور غیرقانونی رہائشی سکیموں کی تفصیلات قومی اسمبلی میں پیش کردی گئیں۔

وزارت داخلہ نے تحریری جواب میں بتایا کہ شہر اقتدار کے زون فور میں سب سے زیادہ 77 غیر قانونی ہاؤسنگ اسکیمیں ہیں۔ زون ٹو میں پانچ اور زون فائیو میں 27 غیر قانونی ہاؤسنگ اسکیمیں ہیں۔

وزارت داخلہ نے تحریری جواب میں ایوان کو بتایا کہ اسلام آباد میں منظور شدہ ہاؤسنگ اسکیموں کی تعداد 47 ہے، جبکہ غیر قانونی ہاؤسنگ اسکیموں کی تعداد 109 ہے۔

وزارت داخلہ نے بتایا کہ اسلام آباد کے زون فائیو میں قانونی ہاؤسنگ اسکیموں کی تعداد 23 ہے، زون ٹو میں 12 جبکہ زون فائیو میں 23 قانونی ہاؤسنگ اسکیمز ہیں۔

رپورٹ میں بتایا گیا کہ غیر قانونی ہاؤسنگ اسکیموں کے آغاز کی تاریخ اور اسپانسرز کے نام دستیاب نہیں۔