پاک افغان سرحد پر افغانستان اور پاکستانی فورسز کے درمیان مذاکرات کا میاب ہوگئے ہیں۔

اتوار کو بلوچستان کے علاقے چمن میں بازار کے قریب افغانستان اور پاکستان کی سیکیورٹی فورسز کے درمیان جھڑپ میں بھاری ہتھیاروں کا استعمال کیا گیا۔

شدید گولہ باری کے نتیجے میں دو بچوں سمیت کم از کم پانچ افراد جاں بحق اور 20 زخمی ہوئے، جس کے بعد سرحد کو ہر قسم کی آمدورفت کیلئے بند کردیا گیا تھا۔

تاہم، اب دونوں فورسز کے درمیان ہونے والے کامیاب مذاکرات کے بعد ڈپٹی کمشنر عبدالحمید زہری کا کہنا ہے کہ کل حسب معمول پاک افغان سرحد ہر قسم کی آمدورفت کیلئے کھلی رہے گی۔