چینی صدر کے دورہ سعودی عرب کے موقع پر دونوں ملکوں کے اداروں کے درمیان مختلف شعبوں میں 35 معاہدے کیے گئے۔ فریقین نے مفاہمتی یاداشتوں پربھی دستخط کیے۔

سعودی عرب اور چینی حکام کا کہنا ہے کہ ان معاہدوں سے دونوں ملکوں کے اقتصادی و سرمایہ کاری کے رشتوں کے استحکام میں مدد ملے گی اور سعودی ویژن 2030 کے اہداف حاصل ہوں گے۔

فریقین نے توانائی، ٹرانسپوٹ، کان کنی، لاجسٹک خدمات، آٹو انڈسٹری، طبی، نگہداشت، انفارمیشن ٹیکنالوجی جیسے اہم شعبوں میں معاہدے کیے۔

چینی صدر شی جن پنگ اور سعودی فرمانروا شاہ سلمان بن عبدالعزیز نے باہمی اسٹریٹجک پارٹنرشپ معاہدے پر بھی دستخط کیے۔