گوگل نے 2022 میں پاکستانی عوام کی جانب سے سب سے زیادہ سرچ کی جانے والی فلموں، گانوں اور ٹی وی شوز کی فہرست جاری کی ہے۔

گوگل کی جانب سے جاری ہونے والی فہرست کے مطابق سال 2022 میں پاکستانی گانا پسوڑی کو صرف پاکستان میں ہی نہیں بلکہ دنیا بھر کے صارفین نے گوگل پر سرچ کیا ۔

رپورٹ کے مطابق گلوکار علی سیٹھی اور شائے گل کے گانے پسوڑی کو دنیا بھر میں سب سے زیادہ ہونے والے گانوں میں دوسرا نمبر دیا گیا ہے جبکہ اپنی مقبولیت میں اس گانے نے معروف کورین پاپ بینڈ بی ٹی ایس کو بھی پیچھے چھوڑ دیا۔

علی سیٹھی اور شائے گل کا گیت پسوڑی کوک اسٹوڈیو سیزن 14 میں رواں برس ریلیز ہوا تھا جس نے دیکھتے ہی دیکھتے بھارت سمیت دنیا بھر میں مقبولیت حاصل کرلی۔