عوامی مسلم لیگ کے سربراہ شیخ رشید کا کہنا ہے کہ سابق وزیرخزانہ مفتاح اسماعیل حکومت کی معیشت کا پوسٹ مارٹم کر رہے ہیں۔

سماجی رابطے کی ویب سائٹ ٹوئٹر پر جاری بیان میں شیخ رشید نے کہا کہ عمران خان 30 دسمبر تک الیکشن کی تاریخ لے گا یا پھر اسمبلیاں توڑ دے گا، اب گیند حکومت کے کورٹ میں ہے، سیاست آباد کریں یا برباد کریں ۔

سابق وزیرداخلہ کا مزید کہنا تھا کہ مفتاح اُن کی معیشت کا پوسٹ مارٹم کر رہا ہے، چار چار وزراء مل کر بھی بیانات دیں تو کوئی ان کی بات نہیں سنتا۔

انہوں نے یہ بھی کہا کہ حکومت عوام میں جانے کے قابل نہیں ہے، الیکشن سے فراری الیکشن کی تیاری کریں۔